Оглавление:
- молитва от прыщей
- молитва при кожных заболеваниях
- молитва об исцелении от недугов
- краткая молитва святому
Молитва святому Артемию Веркольскому от прыщей
«О, великославный угодниче Божий, о, великий чудотворче, святый и праведный Артемие, херувиме земный, человече небесный, ангелов собеседниче, небесный жителю! Призри с высоты небесныя светлым оком твоим, и низпосли нам лучи Божия благодати. Светильниче Боговозжженный, твоими святыми молитвами разжени мрак грехов наших, испроси у Отца светов свет благодати душам нашим, всех правоверных скорый быв помощник и заступник. Всяк бо, с верою под кров защищения твоего молитвенно притекаяй и заступления твоего у Господа просяй, абие пособствуем бывает, Божию же милость обретает и желания сердца своего не лишается, но просит благодати и приемлет Дар на пользу прошения. Ты еси, праведный Артемие, вертоград Богом насажденный, в немже цвет здравотворный процвете, еже исцелятися многим от зельнаго трясавичнаго недуга. О, коль мнози твоею чудесною помощию слепии прозреша, глусии слух прияша, хромии возскочиша и ходяша, немощнии действо рук прияша, безумнии воумишася, разслабленнии в жилах укрепишася, сляченнии исправишася и имущии вреды исцелеша! Еще же и сквернии демони молитвою твоею отогнашася, и инии неисцельнии недузи разрешишася. Тако, святый и праведный Артемие, всем всегда милостив являешися. Убо и о нас неисповедимую Божию благость умоли, да оставит нам Господь долги наша, и да хранит государство Российское в мире и благоденствии, в крепости и обилии, и веру православную да укрепит, церковныя же расколы да утолит, и вся православныя христианы да спасет. Мы же твою память святую от рода в род честно праздновати будем, славяще прославльшаго тя Христа Господа, Емуже подобает всякая слава, честь и поклонение, со Безначальным Отцем и со Пресвятым и Благим и Животворящим Духом, ныне и присно и в безконечныя веки веков. Аминь.»
Молитва праведному Артемию Веркольскому при кожных заболеваниях
«О, великий угодниче Божий, святый праведный Артемие, покровителю святыя обители, твоим именем красующияся и всех православных христиан сильный ходатаю о нас ко Господу, великий благодетелю живущих зде иноков твоея обители и всех с верою и любовию притекающих к раце чудотворных мощей твоих! Призри милостивно на убогую молитву нас, грешных и непотребных рабов, и твоим всемощным предстательством испроси нам у Господа прощение грехов, преспеяние в вере и благочестии и ограждение от козней супостата, ищущаго нас погубити. Даруй братству твоей обители, от старших до последних, смирение и кротость, любовь и послушание вседушное, служение и житие благоговейное, святое и во всем верное и благодушное исполнение иноческаго общежития, да, работающе Господеви непостыдно и духом горяще в непрестанней молитве за благотворителей наших живых и усопших, явимся верными рабами Господа, добре делающими вверяемыя нам таланты! Моли Господа, да Церковь Православная всея России, яко вертоград благонасажденный, цветет и плодотворит богато плодами веры и благочестия! Моли Господа, да ходатайством и заступлением Преблагословенныя Владычицы нашея Богородицы все мы зде мирное и богоугодное житие поживем и по мирней христианстей кончине сподобимся в Преславнем Царствии милости Царя неба и земли, Отца и Сына и Святаго Духа славяще Его ныне и присно и во веки веков. Аминь.»
Молитва чудотворцу Артемию Веркольскому об исцелении от недугов
«Святый угодниче Божий, Артемие праведный, присный хранителю святыя веры Православныя и всего севернаго края Российския страны близкий защитниче! Призри милостивно на усердную молитву нас, грешных, и твоим благомощным предстательством испроси нам у Господа прощение согрешений наших, преспеяние в вере и благочестии и ограждение от козней диавольских. Моли Господа, да хранит во здравии православных христиан, да подаст и всем людем, стране нашей мир, тишину и нелицемерное послушание, да сподобит всех нас получити, по христианстей кончине. Небесное Царствие, идеже вси праведнии, купно с тобою, присно славят Отца и Сына и Святаго Духа. Аминь.»
Краткая молитва святому праведному Артемию Веркольскому
«Святый угодниче Божий, праведный Артемие, присный хранителю святыя веры Православныя и близкий защитниче всего севернаго края Российския страны! Призри милостивно на усердную молитву нас, грешных, и твоим благомощным предстательством испроси нам у Господа.»
Сохранить молитвы в социальных сетях:
Чудотворце Артемий моли Бога обо мне грешной рабе! изличи от недуга. Славу Богу за Все!
Чудотворец,Артемий Веркольский, прими праведное прошение о здравии моей дочери, рабы Божьей Александры. Избавь ее от внутренней и внешних проявлений недуга. Моли Господа Бога нашего о щедрости души его к моей дочери,ибо только на тебя уповаю. Но и свои обязанности к выздоровление не отрицаю. Спаси Рабу Божью милостию твоей.Во имя Отца и сына и святага духа.Аминь.